賠率有路捉：金剛驃２檔飛硬淨

港陌

　　噚日發現第三場大熱門落咗喺「金剛驃」身上， 啲飛仲勁過上次落四班即跑近嘅「旅遊小子」，同近三次跑田草非勝即位嘅「新領袖」。「金剛驃」來港服役至今嘅最後賠率，最熱嗰次都有9. 2 倍，近四次出賽更徘徊喺十至十五倍之間，呢鋪個W 賣到得39蚊，位置仲要得12蚊，究竟咩葫蘆賣咩藥？

　　呢匹馬今季已經算係勇，雖然跑咗十一次都得一亞及兩席第五，但起碼叫跑近咗。今次有埋二檔，可以小注玩吓。

睡眠科技票數堅

　　第二場「睡眠科技」噚晚個W 得64蚊，呢隻馬歷來個最終賠率都係二十倍以上，開季嗰時更賣到九十九倍，今次突然有飛，應跟前仗同程跑近有關，既然有人認為已試準，不妨一捧。

　　騎師王方面，柏寶個賠率熱到透，最接近嘅何澤堯都有七倍，相信同佢今晚騎足成晚，當中又有四隻熱馬有關，既然飛數同坐騎都惡，多少都要吼番啲。　

周仲