博利好騎練趕住斟

港陌

梁定華尚差四Ｗ始達標上岸，餘下賽事搏殺決心不用懷疑。影子主帥都爾季內頻頻被停賽之餘，早前又因私務闊別香江個半月關係，搞到華哥一度頭痕，不過馬會一眾公司騎師都算幫到手，勞愛德季內已助華哥取得兩冠一季，今晚騎練就有頭場「博利好」拍檔攻堅，在此緊張關頭絕對值得關注。
       
博利好

「博利好」於上周末已由勞愛德在大圈試好性能，練者仲走上烽火台天台舉鏡睇勻全程，昨晨騎練都因試草閘關係會特別忙，惟兩人仍在七時四十分百忙抽空於機坪密斟一輪，態度認真！