馬主論戰

魑魅魍魉

中環英雄賽績堅

　　柏寶剛啱憑「和諧大使」同「聚有盈」起孖，手風唔錯，我睇好佢今日繼續有馬贏。最啱心水係尾場「中環英雄」，話晒上季贏過「雄心威龍」，計賽績真係好惡，今次轉姚廐初出，應該可以省靚招牌。另外鍾意頭場「兵奇臨」，近兩場轉跑泥地表現唔錯，今次用到韋達操刀，睇格局唔似陪跑，排內檔起步，話唔定可以贏番一仗。

張敬山

飛快威一網打盡

　　剛戰告東尼冇馬贏，結果畀大摩搶走榜首位置。今日東廐派出成棚惡馬上陣，唔使講一定搏盡挽回優勢。最啱心水係第五場「快樂無窮」，上場跑田草 1200米，全程走外叠蝕位一樣照贏，實力唔簡單，今次繼續跑四班同程，根本唔會有任何阻力，連捷在望。另外鍾意第六場「飛快威」，大前仗已經試準晒走勢，上場轉跑泥地敗不足據，跑番草地有權一網打盡。

任達華

大將軍加罩出擊

　　韋達今日騎足十場，而且手執多匹惡馬，頭馬隨時坐二望三。鍾意第三場「大將軍」，前仗跑1200米已經有過唔錯走勢，今次增程跑1400米，加眼罩兼強配韋達，已經有晒搏殺手影，應該可以出頭。另外推介尾場「太陽海岸」，在港兩戰贏晒，擺明係質高分子，上仗初跑1400米都一樣應付到，今次再跑此程只會更好，應該穩食尾胡。

寇鴻萍、梁廷鏘