金石盟專欄：超勁精神步頭硬朗

魑魅魍魉

　　昨晨跳馬相當踴躍，逾半百上陣馬紛紛出試，七時正草地千八米開放供馬匹試跑或彈閘，益增睇頭。

　　「超勁精神」助手在草地試八百米，末段稍鬆韁繩即有反應，步頭硬朗，保持勇健。

　　「加州財子」蔡明紹試八百米，從容淡定，過直路氣勢懾人，近況無懈可擊。

　　「拼勁」黎海榮試八百米，翻步急勁，收身恰好，進度令人滿意，及時催起。

　　「站站名牌」白德民在草地試八百米，步幅開闊，神生火旺，狀態更上一層樓。

　　「仔仔女女」助手試千二米，步伐整齊有力，情緒更集中，成熟程度邁進。

　　「勁加勁」杜利萊試千二米，動作靈活，腰身柔軟富彈力，進步良多，靚過上賽。

　　「幸運來」助手試四百米，四蹄盡展，體格強健，活力充沛，長期有作戰水準。

成就美麗彈力充盈

　　「成就美麗」蔡明紹、「風之子」助手結伴在泥地彈閘，躍出時均騎幾步，並肩爭持，叮噹馬頭過終點，內檔的「成就美麗」身輕步爽，彈力充盈，勇況持續有餘。

　　「叻叻仔」賴維銘試千二米，湯智傑策「飛躍奔騰」相伴，前駒落後一乘跟隨，最後一程從外檔加速撲上，以頸位壓住廐侶過終點，衝刺挺勁，朝氣蓬勃，愈磨愈利。

　　「明燈」助手試八百米，漫不經意完成，體健神清，勁力均勻，未見低落。

　　「步步闖」白德民試八百米，出腳利落，勁力有增無減，精神奕奕，狀態續好。

　　「添福駿驥」助手試四百米，輕描淡寫而回，身壯力強，肌肉結實，觀感上並無不妥。

　　「勁快」黎海榮試四百米，腳步輕快，過直路神采飛揚，狀態與上名時比較，毫不遜色。

　　「高分貝」黎海榮試八百米，助手策「按得叻」相伴，直路上均加快步伐，爭持下未分勝負，內檔的「高分貝」走勢強勁，鬥心湧現，一切對辦。

　　「神童」卓利、「金鎸龍華」杜利萊相偕在草地彈閘，並駕齊驅，最後一程「神童」以個多身位見負，並非力有不逮，而係示人以弱，腳法嫻熟，勁力增強，漸入佳境。