借題發揮:5月期期有W B欄好成績 柏寶又數胡

魑魅魍魉

　　韋達停賽4期，柏寶有冇真正受惠，暫時唔多覺，但白德民停賽就肯定幫到手，至少一對「新力」系畀晒佢跑。而5月跑了5期賽事，柏寶期期有馬贏，一共贏了8W，換句話說，5月份暫時未斷纜，而喺呢5期之中，3次成功中孖寶，呢啲仲唔係叫氣勢如虹。

　　由於今期跑B欄，冇偏差，除非太陽西邊升起！但對於柏寶嚟講，佢一直喺呢條賽道有唔錯成績，至此仍保持到跑入前四名比率逾60%，唔係用心做好佢份工，百分點邊可能長期咁高（韋達都未過到5成比率）。

　　其實，柏寶今期略欠運，部分實力唔多好之馬，偏偏排個好位，「小鬥士」及「新力多」，兩匹實力分子，就排晒在中檔，好在另一匹「吹晒風」嘅「追月」，畀個3檔，唔係都唔知好唔好連場捧場。

　　「小鬥士」、「新力多」及「追月」，3駒有1個共通點，班次有利是也，當中以前駒最明顯，今季贏馬就係五班谷草1200米。而「新力多」，啱啱喺場三班田草1800米輸少少，轉過嚟，希望可以大蝦細。最後，對「追月」其實有期望，如果換咗環境可以改造隻馬，三班都會有得贏！　

Jack