賠率有路捉：開心歡樂P熱得奇

魑魅魍魉

　　噚日睇飛發現一個異象，不少熱門馬都W熱P冷，當中包括二場「千兩寶寶」、五場「當旺」、六場「天下寶」、七場「魔幻大師」及八場「新力飛」，似乎暗示唔贏就連P都冇，投X上述馬匹時最好齋買W，不宜做QT膽。

　　怪飛馬方面，第三場2200米，「開心歡樂」個P明顯有飛，得2.1倍，仲熱過前仗入Q嘅「風力威猛」同啱啱攞完季軍嘅「印度光輝」，唔通投X者真係覺得佢咁穩？望番隻馬個績，近六次都輸，仲有，隻馬真係冇長力根據，最叻都只係喺新西蘭跑過2000米得第六，咁啲飛為咩而落呢？相信同佢嘅主動跑法有關，睇番賽事形勢，此場擺前嘅馬唔多，得「喜蓮智星」同「駕世仔」快少少，如果入直路真係塞車，佢就會好着數，唔怪之得有P飛，不妨試吓。

何澤堯減磅着數

　　騎師王方面，柏寶、何澤堯同蔡明紹三雄鼎立，前兩位明顯又熱啲，徘徊2至4倍之間，呢個情形，當然揀有磅減嗰個何澤堯啦。

周仲