特雷斯登克敵制勝

魑魅魍魉

20/05/2011
文： Mic少

德乙護級附加賽首回合，丙組季軍特雷斯登主場迎戰乙組尾三奧斯納貝克，德國足球發展成熟，低組別球隊水準接近，「丙組頭」同「乙組尾」基本上屬於同班，狀態及士氣先至係勝負關鍵。特雷斯登依家爭升班，鬥心會較強，加上有地利，可望先贏一仗。（周六凌晨2時30分開賽）




雖然特雷斯登係丙組仔，但畢竟係第三位，證明整季演出不俗，球員信心及士氣處於高水平，近六仗取得五勝一和，屬於當頭起。而且主隊現時爭升班，若然成功，就係一種成就，反而護級成功，往往被視為應該，所以特雷斯登爭勝鬥心，比奧斯納貝克為高。


奧斯納貝克作客曳到爆


奧斯納貝克可以取得附加賽資格，好大程度上因為競爭對手奧柏侯遜不濟，於最後一場聯賽輸波。事實上，客軍全季演出乏善可陳，近十一場聯賽僅上仗贏波，其實佢哋之前只要表現好少少，根本早已上岸，可見球隊護級決心並唔強。上季附加賽，當時乙組羅斯托克兩回合都輸波而降班，切勿以為乙組下游球隊實力一定高過丙組仔，今仗捧1.9倍主Ｗ穩陣。