做得莊點會冇得賺

魑魅魍魉

20/05/2011
文： SAMVO肥叔

歐霸盃曲終人散，雖然決賽由兩支葡萄牙球隊內訌，戲碼唔算吸引，但投X額卻相當可觀，可能因為臨近季尾，投X氣氛熾熱，部分投X者加大注碼，加上波圖季尾表現神勇，成為球圈熱話，吸引到散戶注意，令今場波嘅投X額增加。




今場決賽波圖要讓一球，盤口都幾辣，其實一般嚟講決賽讓多過一球，大戶都鍾情下盤，今場亦唔例外，而散戶則支持波圖居多，結果波圖贏一粒走盤，大家算係打個和。




可能有人問，走盤個莊咪冇得賺囉，肥叔可以話畀大家聽，依家一日有咁多場波，每場波又有唔同嘅盤口同玩法，投X額高到你唔信，個莊又點會冇得賺吖！況且除咗下盤之外，大戶亦重注細盤，今場波都算收穫唔錯咯！


最後衝刺要睇《東方波經》


歐霸盃完結後，之後嘅焦點就係英超煞科同埋歐聯決賽，預計兩日嘅投X額都會有理想成績，唔經唔覺球季就快完結，肥叔都有啲失落感，呢幾日一定會努力做功課，希望畀啲好料大家，過番個快樂暑假，所以各位讀者呢兩日要緊貼住《東方波經》嘅肥叔專欄呀！