費Sir畀貝碧擔正爭金靴

猪拉多纳

22/05/2011


曼聯今晚就會踢英超煞科戰，賽前領隊費格遜話近排被迫貶前鋒貝碧托夫做後備覺得好內疚，仲話希望「瀟灑哥」今晚擔正可以發威，奪得神射手大獎喎！


赫特首位土炮攞金手套


貝碧托夫上半季入波入唔停，可惜自從季中受傷，加上查維亞靴南迪斯崛起，「瀟灑哥」近排好多時都係打後備，搞到喺射手榜畀泰維斯追到一樣得21球，仲令費格遜覺得於心有愧：「『小豌豆』下半季好弗，我真係唔可以唔畀佢擔正。我認為貝碧明白呢點，但佢冇怨過我。今晚佢一定會擔正，希望佢最後可以獨攬神射手啦！」左閘艾拉亦表示支持：「今晚無論我幾時攞波，我都會傳畀貝碧托夫！」




同時，費格遜同中堅尼曼查維迪尋日獲賽會選為本季最佳領隊及最佳球員，當中費Sir更加係破紀錄第9次攞呢個獎。至於曼城門將赫特就因為未打煞科戰前，今季聯賽經已17次不失球，多車路士門將施治2次，提前獲頒英超金手套獎，成為首位英格蘭門神攞呢個至高榮譽！