父子兵有喜有悲

猪拉多纳

柏寶響剛周三夜賽一再令捧場客失望，不過擒日回師沙田出戰，即刻響頭炮率先憑「父子兵」贏馬。對於愛駒取得在港首捷，身為馬主之一嘅關本明表示，自「父子兵」上季嚟港，養到今季先開上戰線，可惜跑咗幾場，二月一戰後又因腳傷休息咗三個多月。
       
賽後流鼻血

由於休息時間仲多過出賽，加上佢哋新季已經中咗籤有新馬到港，所以關本明就話有意安排呢匹「父子兵」退役，不過贏完呢場應該會改變初衷，但最後呢場勝仗又要付出流鼻血代價，關氏一家人都話搞到佢哋心情相當忐忑，暫時仲未有定案。
       

講開呢場「父子兵」臨場次熱門勝出，原本被捧成大熱的「健康精英」閘前退出，此駒於各項彩池共退款19,802,149元。