天津超殘陣作客嘥汽

魑魅魍魉

24/05/2011
文： 麥馬拿仁

亞冠盃十六強賽事，「韓職一哥」全北汽車主場鬥中超FC天津。天津受嚴重傷停問題困擾，五名坐波監球員盧西亞諾、馬高蘇域、楊啟鵬、白磊、陳濤全屬攻守主力，加上奧迪達、權輯兩名外援受傷，被迫用全華班之下，今場可能輸鑊甘，捧全北汽車「讓球主勝」！（中央5台周二晚6時直播）




天津近期頭頭碰着黑，不但傷兵滿營，球員於亞冠盃更頻頻攞牌，多達五名主力今仗要停賽。其中隊長馬高蘇域係後防重臣，而陳濤則屬進攻樞紐，加上所有外援都唔出得，天津今仗只有十七名球員征韓，當中僅得毛彪一個正宗前鋒，班波攻守都唔掂。領隊阿里漢表示，中國球隊打入十六強已好叻仔，明顯有晒出局心理準備。


全北汽車主場夠惡


全北汽車質態俱高，目前高踞韓職榜首，近八仗贏七場，於分組賽三次主場出擊，更全部淨勝對手，包括六比○狂數阿雷馬。天津今戰得五成功力，根本唔係汽車對手，1.3倍主W冇肉食，宜直取1.95倍「讓球主勝」。