大阪打吡鬥入波

魑魅魍魉

24/05/2011
文： 走肖

亞冠盃16強上演「大」阪打吡，大阪飛腳今晚喺主場迎戰大阪櫻花，入球大最抵玩，呢場兩隊分別有防線重心養傷同坐波監，飛腳中堅山口智唔踢得，櫻花隊長茂庭照幸就停賽，賽前飛腳教頭西野朗更加畀貼士話，預咗今場失波，準備同櫻花駁火鬥入波，1.7倍入球大捧得過。（now671台周二晚6:00直播）




原本飛腳已經有中場橋本英郎、左閘下平匠同後衞高木和道養傷，導致防守力急降，點知中堅山口智上場比賽傷埋，今場多數唔使預佢，教練西野朗好坦白咁話，以飛腳開季後11場得1次保持清白嘅後防線，今場唔使旨意冇失波，所以要贏波就一定要同對方駁火，講到咁白，大家唔係會錯過入球大啩？


飛腳11場喪入24球


至於飛腳嘅火力又點呢？佢哋今季未試過冇波入，踢11場喪入24球，今季新加盟嘅射手阿祖安奴費拉拿，近兩場更加勁入3球，證明佢已經融入西野朗嘅「超攻擊」打法，呢場佢倒戈出戰，肯定會加多兩錢肉緊，加上有「司令塔」遠藤保仁喺中場派牌，飛腳失得又入得，唔玩入球大對唔住自己。


櫻花作客交手勁失波


另一方面，櫻花近7場有2勝5和不敗，教練古爾比表明話會排出防守性陣容博偷雞，但呢個係佢主觀意願啫，實情櫻花近6次作客飛腳得1和5負，期間狂失21球，全部開入球大，唔似頂得住唔失波。再講，櫻花前鋒洛迪高賓柏奧同乾貴士喺分組賽各入4球，中場清武弘嗣又連續3場入波，火力唔弱夠開入球騷。