卡爾馬攞A冇甩拖

港陌

25/05/2011
文： Combo King

今日阿King集中推介兩場瑞典超，其中卡爾馬主場鬥AIK蘇納，捧主W！卡爾馬本季於新主場出擊四戰贏晒，今晚肯定信心爆棚。相反AIK作客勁曳近三戰全敗，主Ｗ係不二之選。 （周四凌晨1時開賽）


AIK作客腳軟3連敗


卡爾馬新主場叫古法根球場，今年三月先落成，呢座新球場價值二億五千萬瑞典克朗，能容納一萬一千球迷，而卡爾馬有新屋企表現極為醒神，開咧以來鬥過佐加頓斯、艾夫斯堡、西里安斯卡同赫根全部贏晒，當中一共攻入九球。AIK作客戰鬥力低，最近三連敗已經夠衰，對手仲包括甲組仔阿維達貝治，今場強捧主W。




另一場瑞典超諾高平主場對奧雷布洛，奧軍早前成績係曳，但對手太強輸波亦冇話可說，但上仗對加爾斯就即刻踢出水準，以三比一獲勝，今場開平手盤捧奧雷布洛。最後拖場美職，洛杉磯銀河雖有碧咸返英缺陣，但前線仍有當路雲與安祖攻堅，可勝狀態麻麻嘅侯斯頓戴拿模。