山度士波特諾鋒弱獻細

港陌

25/05/2011
文： Mic少

明早上演南美自由盃四強首回合，巴西球隊山度士於聖保羅彭甘保球場對巴拉圭球隊波特諾，兩軍今屆都係靠防守搵食，雙方踏入淘汰賽階段之後更係全部開細，風格非常相似，今仗正面交鋒，戰局好可能陷入膠着狀態，投X首選入球細。（有線61台周四早上8時50分直播）




雖然話山度士係森巴足球代表，但近年踢法趨向保守，今年情況變得更明顯，上仗巴甲首輪賽事，只係同國際體育會打和一比一，總結近九場比賽有八場開細，其中六場保持不失，當中三場小勝一比○，亦有兩場互交白卷，睇賽績似意大利球隊多啲。


尼馬花巧靠唔住


山度士攻力差好大程度上係太依賴新星尼馬入波，但此子踢法花巧，經常浪費入波機會，上圈主場對卡達斯更射失一球十二碼，演出唔可靠。




波特諾同樣守強攻弱，對住名牌球隊時，更乾脆死守博互射十二碼，例如十六強兩回合都守和阿根廷勁旅學生隊○比○，靠射贏十二碼晉級，上圈首回合作客打和查古里斯一比一，次回合主場小勝一比○，事實證明呢種踢法非常奏效，估計波特諾會繼續施守術，希望保不敗，次回合返回主場再搏殺。