高清睇跑馬：帝皇福星殿軍唔嘢小

魑魅魍魉

　　「帝皇福星」今季表現不算差，落敗最遠亦只是輸五個多馬位，前仗跑田草1800米改戴頭罩及交叉鼻箍，誠意是有的，但欠點長力而敗。

　　到上仗總場次610，「帝皇福星」跑番1600米，路程適合表現完全唔同，後上如箭跑入第四，睇番全程走勢，留前鬥後無可厚非，弊在杜利萊太過心急，過了六百米處已加速發力，落後太多而提早踩油唔緊要，弊在走出大外檔，發力時走出第四叠，到直路彎更處第八、九叠，全場馬只得牠一匹馬蝕位如此多，如此耗力當然難以取勝，最後都跑到第四，並且拍住接戰入Q的「大衛金剛」齊齊衝線，絕對稱得上是高水準之作，周日仍跑1600米，走位好些可開勝門。

　　「爆冷」屆九歲高齡，今季六戰全部三甲不入，但都所負不遠，尤其是兩場2000米賽，對住當今最頂尖長途馬，次次只輸個多馬位，總場次586香港金盃一役輸得最唔抵，入到直路衝刺不俗，誰知馬偉昌於拉士一百米左腳滑出腳踏，導致在一度失去平衡，餘下途程上亦未能套回腳踏，雖然仍可推騎，但用心去睇，動作幅度已冇咁大，同時亦沒有打鞭，仍能與季軍「火龍駒」差唔多一齊觸線，亞軍「至勇威龍」亦只贏佢一條頸，相信如無此意外，必可跑入Q腳。「爆冷」現時跑2000米沒有太大把握，周日遮打盃2400米應是其唯一目標，此駒至今五度爭此盃獲三冠一亞一季，未嘗空手而回，作膽諗得過。

Sam