急流主場恰慣肯薩斯

港陌

28/05/2011
文： Richard Welbing

美職球隊肯薩斯體育會新主場仍未落成，開季至今過住游牧式生活，對球員精神及體力都造成沉重負擔，成績大受影響，今輪作客科羅拉多急流，捧主勝。（周日早上9時開賽）


肯薩斯疲於奔命


肯薩斯體育會新主場將於下月先至啟用，因此賽會安排佢哋先於季初踢作客賽事，八場聯賽只有一勝一和六負，近五場作客都輸波，一來受壓於對手球迷打氣氣勢，二來球員喺陌生環境比賽，加上舟車勞頓，對精神及體力都有負面影響。




肯薩斯體育會開季後，每場聯賽都作客，影響自然更加大，佢哋喺周中美聯盃借用肯薩斯另一個球場比賽，即刻贏波，進一步反映地利因素，主宰肯軍前途。更何況肯軍過去六次作客科羅拉多急流，只有二和四負，想翻身難上加難。




急流係上季總冠軍，球隊近期頻頻失分，但近五仗有四場作客，期間都可以保持不敗，返回主場係時候威番一次。