山度士貪盃打守細波

港陌

28/05/2011
文： 自由恆

巴甲雖然啱啱揭開戰幔，但同區賽事唔少都已經去到尾聲，自由盃甚至去到4強階段，巴西盃亦都喺周中完成準決賽，有份參戰嘅5支球a隊當中，僅得華斯高喺上周聯賽開鑼戰贏波，其餘嘅只取得1和3負，可見森巴兵留起力上嚟，真係毫無保留，比起歐洲列強有過之而無不及。




其實又難怪嘅，事關巴西盃同埋自由盃冠軍，都可以直接取得來年自由盃分組賽入場券，依家都去到淘汰賽關鍵階段，冇理由唔搏埋佢，更何況巴甲只係啱啱展開，仲有大把時間去追。


保地花高缺射手難食住上


已經殺入巴西盃決賽嘅華斯高及哥列迪巴，都要到周一凌晨先至出場，今日巴甲戲碼就只能夠向要分心自由盃4強次回合嘅山度士埋手，佢哋喺首回合只係小勝波特諾1球，出線形勢未見得穩陣，今鋪肯定留力，作客保地花高都幾危，但計我話捧細似乎仲穩陣，畢竟山度士近4次作客都冇失波，近仗入波都係一球起兩球止，造訪有射手靴里拉及艾比奧齊齊停賽嘅保地花高，1.8倍主W都未必夠1.88倍入球細穩陣。（開賽時間：周日清晨5:30）


Battle精選


足球重心：山度士（入球細）




睇飛搵食：費城聯（平手）




近排足智彩嘅美職賠率同歐洲平均賠率出入好大，有時都唔知信邊個好，不過連賽績都唔夾就點都要留神，好似費城聯作客3連敗，不過足智彩客W就得2.7，遠比歐平3.08熱，睇嚟作客多倫多會有計。