細哨大勇捧法林明高

猪拉多纳

29/05/2011
文： 牛奶仔

上星期巴甲開咧戰旗開得勝嘅法林明高，今晚到訪新升班嘅巴希亞，預料喺大勇嘅隊長朗拿甸奴帶領下，有望全取3分延續勝軌，客軍讓平半高水，照捧上盤。（開賽時間：周一凌晨3:00）


馬體會睇中朗拿甸奴


「細哨」回歸巴甲，上場更個人表演面對兩名守衞遠射得手，狀態全面回勇，難怪有傳馬體會想搵「細哨」重返西甲填補阿古路離隊嘅空缺。




法林明高上場聯賽4:0大炒艾華爾，一吐巴西盃出局嘅烏氣，不過佢哋個中場韋利安斯杜明高斯操練嗰陣向隊友開拖，今仗會被雪藏，其位置會由費蘭度高美斯頂上，預料影響不大。




巴希亞自2003年後重返巴甲，但首戰即告落敗，仲要係輸畀另一支升班新軍阿美利加明尼路。其實巴希亞升班後已積極擴軍，可惜教練施蒙斯仲未搵到最理想嘅陣容，一班新球員又喺磨合期，以致隊波表現一般，今仗相信難以言勝。