斯洛文尼亞翻啅法羅群島

魑魅魍魉

03/06/2011
文： RICHARD WELBING

國際賽有唔少場次強弱懸殊，歐國盃外圍賽C組法羅群島主場對斯洛文尼亞，主隊屬魚腩部隊，分組賽五戰得一分，縱有主場之利亦難看好。斯軍水平不斷提升，有力大勝對手，可捧1.6倍「讓球客勝」。（周六凌晨1時30分開賽）




法羅群島向來屬歐洲弱旅之一，由於資源不足，所以足運發展停滯不前，偶然可於主場偷雞搶分，但始終難成氣候。法羅群島被編入C組，五戰過後錄得一和四負，唯一和波於主場與北愛爾蘭打成平手，今次遇上級數較高的斯洛文尼亞，難再製造冷門賽果。




斯洛文尼亞近年水平不斷冒升，已經逐步脫離歐洲三線球隊行列，現時唔少行家已經調高球隊評級，大軍具備歐洲二線球隊實力，隊中愈來愈多優質球星，包括主將高倫。另外，効力意甲球隊巴勒莫的攻擊球員伊利錫表現突出，成為多間歐洲大會目標，已被視為大軍進攻重心。


作客讓得辣見信心


睇番今場盤口，斯洛文尼亞作客都要讓球半、兩球，客勝被大部分菠菜公司大幅低，反映各地莊家對球隊信心十足。斯洛文尼亞首循環主場大勝法羅群島五比一，顯示兩軍級數差距極大，今次預計斯軍可再輕鬆大勝。