冰島o靚仔頂唔住丹麥

港陌

04/06/2011
文： 牛奶仔

今晚歐洲國家盃外圍賽H組賽事，冰島喺主場迎戰小組「三哥」丹麥，往績贏晒嘅丹麥為保出線希望，勢必痛宰魚腩冰島，熱捧1.65倍客勝。（有線64周日凌晨2:45直播）


丹麥賓特拿舒米仔孭飛


丹麥依家喺H組4戰得7分，僅以對賽成績落後次席嘅葡萄牙，並只落後榜首挪威3分，爭取出線資格仍相當大機會。丹麥領隊奧臣今次揀番批國家隊常客，前線繼續由賓特拿孭飛，中場則由隊長保臣同新星基斯甸艾歷臣搭檔，呢對一老一嫩嘅組合攻守兼備，相信可帶畀對手唔少威脅。值得一提嘅，係名宿舒米高之子、列斯聯門將卡斯柏舒米高首次入選，今仗有望獲得佢首頂國家隊喼帽。




冰島去戰悶和塞浦路斯，結束佢哋4連敗嘅頹勢，不過仍然錄得連續6場不勝劣績。冰島喺今屆外圍賽分組賽4戰拎得1分，今次仲要選入大量U21成員出戰，擺明備戰U21歐國盃。睇番往績，冰島對上21次對丹麥都贏唔到，近5次對賽仲要輸晒入得1球，今仗即使主場出擊睇怕亦難逃輸波厄運。