借題發揮：大棚新勝馬再戰 蔡約翰強陣掃W

猪拉多纳

　　告東尼馬房自從頭馬趕過大摩之後，仍沒有提早放緩攻勢，可能唔係擔心大摩會有力反先，或者係忌憚蔡約翰就真，帶離十場八場都唔安心，冇得十幾場領先優勢，真係未容安枕。告東尼之所以咁成功，騎又叻，練又勁，先見之明好重要，唔係隨時戇居居冇咗個冠軍寶座。

　　唔係阿Jack自圓其說，大家可以睇睇蔡廐4、5月嘅頭馬比較，4月份只得4場頭馬，5月則係之前月份頭馬量3倍有多，足足贏了13W，當中有幾期，起孖更易過食生菜，看來蔡約翰抱住鬥直路嘅心態。

　　今期蔡廐出馬不少，仲要好多件係新勝馬，「首飾達寶」、「勁高手」、「國寶」、「好利利」及「驌龍」，陣容唔打得都肯定睇得，淨係呢幾匹馬，擸3W應係平常事。

　　「首飾達寶」一出即勝，呢類蔡廐馬通常將來喺一班見面，升上三班，根本未驚過。「國寶」唞一大輪出嚟又話贏得，準到冇人有嘅馬，10場唔甩P，絕對要佩服。至於「好利利」，情況與前駒相近，休後復出贏得容易，只要跑到上賽時間，升班仍可再W。

Jack