墨西哥有力大屠薩

猪拉多纳

05/06/2011


同日另一場墨西哥對薩爾瓦多，相信墨西哥亦可輕鬆開齋，墨西哥係金盃「一哥」，不但奪冠次數最多，又係衞冕盟主，今年派出強陣出擊，睇怕薩爾瓦多都係阻唔到佢，可捧「讓球主勝」兼投大盤！ （now 634周一早上8時直播）




墨西哥今次踢美洲金盃相當有誠意，除咗有人氣急升嘅「小豌豆」查維亞靴南迪斯壓陣，仲有杜斯山度士、馬基斯、托拉度同巴里拉等骨幹成員，從佢哋上場熱身賽大勝新西蘭3比0，就知道佢哋狀態好弗，而且仲矢志冧莊。


薩爾瓦多防線唔掂


薩爾瓦多對上兩屆都未能於分組賽出線，上屆更係包尾出局，呢隊波最大弱點就係防線不穩，對上兩場熱身賽合共失咗5球，如果擔心墨西哥未必贏到2粒，不妨捧埋大盤，因為薩爾瓦多都有一定嘅入球能力，力拚下或有望唔使捧蛋。