波蘭蜜蜂劍俠殲滅阿根廷卒仔

猪拉多纳

05/06/2011


今日《是日正菜》朱楓繼續用熱身賽做主打，主菜係波蘭主場對阿根廷呢場大戰！波蘭領隊史梅達近日備受落台壓力，好彩今場手揸「蜜蜂三劍俠」，撞正阿根廷班卒仔內訌，相信可打番場好波保住飯碗，2.75倍主W值得冷吼！（有線61及64周日晚11:00直播）




來屆2012年歐國盃主辦國之一嘅波蘭，近期只係靠熱身賽練兵，嚟緊呢支東歐球隊就會約戰阿根廷同法國兩大勁旅。不過領隊史梅達未打已一額汗，事關波蘭自佢喺09年接手後，踢20場只贏過7場咁大把，賽前當地傳媒話，假如波蘭嚟緊2場對阿根廷同法國再踢得咁差，史梅達將「人頭落地」。


阿根廷薩巴列達插教頭


為保住飯碗，史梅達今次選兵大刀闊斧，放棄曼聯門將古斯錫等多位近況麻麻嘅主力，取而代之係一班當弗球員，當中効力多蒙特嘅前鋒羅拔利雲度夫斯基、中場巴拉斯塞高斯基同右閘比薛斯基全部入選，有呢三位「蜜蜂兵團」重奪德甲嘅功臣喺度，肯定有運行。




近排好多南美球隊都借熱身賽決定美洲盃名單，不過阿根廷就認真搞笑，無啦啦派「二隊」踢熱身賽，結果上場被尼日利亞大炒4:1，搞到阿根廷足總主席格隆多納嬲爆喪插，巴迪斯達死撐話呢場波可以為足總帶嚟100萬美元戲金，又話要派二隊上陣先知邊啲球員啱用，陣中唯一王牌薩巴列達一聽到即刻慶過辣雞，公開寸巴迪斯達浪費時間。本來陣容已經唔掂，依家仲要內訌，今晚隨時再輸鑊甘都唔奇！


是日推介


澳洲




（讓球主勝）2.05倍

烏茲別克

（讓球客勝）1.75倍

波蘭

（主勝）2.75倍