新西蘭殘陣頂唔住澳洲

猪拉多纳

05/06/2011


雖然澳洲已「轉投」亞洲足協，但澳洲同新西蘭一向係死敵，適逢新西蘭陣容天殘地缺，朱楓相信「袋鼠軍」肯定會重擊對手攞威，「讓球主勝」有2.05倍博得過！


傳統死敵唔會揸流攤


澳洲同新西蘭一直唔妥，曾經5年冇交手，直至上年踢咗場熱身賽先破冰。今晚兩隊相遇，守將韋基舒亞賽前話明唔衰得：「澳洲同新西蘭永遠係死敵，無論踢波、打欖球定玩彈珠都係。」雖然澳洲冇卡希爾同基維爾，但球隊勝在後備充裕，仲有艾馬頓等海外球星孭飛，不容小覷。




新西蘭日前更以0:3不敵墨西哥，被當地傳媒形容為自09年洲際盃大敗予西班牙0:5後踢得最曳一仗，主將西蒙艾利洛同後防雲斯頓列特先後傷出，今晚將連同中場奇治軒達臣同後防雲斯歷治齊齊睇波，加埋新西蘭啱啱先喺美國丹佛對完墨西哥，再遠征1.4萬公里到澳洲比賽，體力消耗極大，輸兩粒係最低消費。