馬場紅綠燈

港陌

自由勝檔佳好跑

　　「自由勝」上仗久休逾半年復出即贏，臨場更被捧成大熱，實在不得不佩服投X者的信心，但亦可證明牠現評82分應未止步。今仗由谷草1200米縮落1000米，排四檔兼第六場快馬多，預計在內叠留住衝一段更好跑，質高馬力足再贏。

健少


包裝選擇見真章

　　前仗「包裝選擇」初跑谷草並於2200米輕取「威利旺旺」及「旺國手」，捧走聯合交易所盃，後兩駒之後全部有馬贏，賽事水準高得交關。上場「包裝選擇」轉跑沙田殺入三甲後，今次跑番谷草兼受「衝鋒槍」讓磅甚多，未必冇得鬥。

阿光


勝任有餘捧得過

　　「勝任有餘」出晒名係谷草一哩專家，上仗狀態回勇即跟「魔幻大師」串Q，後駒再出再贏，證明賽事水準甚高。今晚「勝任有餘」再戰1650米，兼仲要對住一批平凡對手，基本上只有跑番上仗八成水準都夠贏，呢注WP絕對買得過。

王其