馬主論戰

魑魅魍魉

鷹之團路有專長

　　柏寶今個月只憑「天鷹」贏過一場頭馬， 成績唔算理想，不過今日佢有唔少實力坐騎，應該有頭馬見面。推介第七場「鷹之團」，在港四戰直路賽得兩冠兩亞，擺明路有專長，今次吼準強項再上陣，續配柏寶應該唔會失威。另外鍾意第六場「桂花飄香」，上場跑1400米全程走外叠照贏， 質素高過同場對手好多，繼續留響四班上陣，肯定唔會有阻力。

張敬山

火箭動力食尾胡

　　上次沙田日賽，吳嘉晉首度登場即刻起孖兼捧盃，呢位響外地已有豐富策騎經驗嘅後生仔，真係非一般見習生，以佢嘅騎功仲有十磅可減，着數到暈，今日一於捧佢場。推介第七場「熊英雄」，兩戰新馬賽都贏到對手冇得跑，插班上陣配吳嘉晉只孭106磅， 冇乜馬讓得佢起，贏得。另外鍾意尾場「火箭動力」，近兩場表現回勇，負輕磅上陣話唔定有驚喜。

任達華

新力多泥地啱跑

　　大摩剛啱憑「活力至寶」同「卡達聖」起孖兼捧盃，仲突破埋在港第1200場頭馬， 相信佢對今屆冠軍寶座仍然雄心勃勃，一於吼實佢啲馬。推介第四場「新力多」，前仗若然唔係梁家俊終點前跌鞭，話唔定已經贏咗，今次轉嚟泥地一試，對呢匹「富貴金龍」同父馬嚟講，應該唔會有問題，出頭在望。

　　另外推介第六場「般若」，上仗末段走勢勁， 已經試準，隨時起筷。

寇鴻萍、梁廷鏘