哥薩爾瓦多靠古巴吊命

猪拉多纳

12/06/2011
文： 笛子波童

美洲金盃A組另一場賽事薩爾瓦多鬥古巴，古巴兩戰全敗共吞十蛋，實力擺明未夠班，薩爾瓦多上仗完場前失守谷住一肚氣，今仗勢炒對手以洩心頭之恨，況且佢哋出線仲未絕望，1.52倍「讓球主勝」捧得過。（周一早上6時開賽）


古巴鬥志崩潰


古巴過去兩次於○五、○七年參加美洲金盃，六場分組賽僅得一分，平均每場失三球，今屆情況不但冇改善，平均失球數字比以往更多，水準明顯和其他隊伍有距離。古巴球員意識低，攻不銳時守亦不穩，有氣有力尚且可以頂到一時三刻，但到比賽末段體力走下坡，防線容易出現崩潰情況，對上兩仗就係咁樣被哥斯達黎加及墨西哥大炒。




薩爾瓦多上場對哥斯達黎加踢咗九十分鐘好波，可惜去到補時階段失守被追成平手，依家落後對方三分兼十個得失球差，爭取次名機會渺茫，好彩目前仍有機會以兩支最佳小組第三名出線，但首要條件係擊敗古巴，而且仲要盡量爭取入球，所以唔怕薩爾瓦多贏一粒後會收手，一於捧「讓球主勝」。