達拉斯當起追打肯薩斯

猪拉多纳

12/06/2011
文： Richard Welbing

美職賽事近年發展理想，名牌球隊洛杉磯銀河擁有英格蘭巨星碧咸，紐約紅牛亦有法國名將亨利壓陣，隨住愈來愈多球星加入，賽事吸引力同可觀性都提升唔少。不過，由於開賽時間關係，美職喺大中華市場唔算太受歡迎，相信短期內好難改變現況。




今次就同大家研究一場美職，FC達拉斯主場對肯薩斯體育會，捧主隊！FC達拉斯並非美國名牌球隊，但勝在實而不華，大軍季初表現平平，頭五場聯賽只得一勝一和三負，不過，球隊此後重上升軌，近九場聯賽取得六勝三和，成功躍升前列位置，表現突出。 （周一早上7時開賽）


肯薩斯體育會士氣差


另一邊廂肯薩斯體育會情況完全唔同，由於季初新球場未落成，球隊頭十場聯賽都要於客場作賽，嚴重影響成績。肯薩斯體育會上場首次於自己主場出戰，但表現只屬一般，最終只能夠同芝加哥火燄互交白卷，以大軍現時水平，今場作客預計會處下風。




睇番今場盤口，FC達拉斯目前要讓半一至一球，反映莊家對球隊信心極強。FC達拉斯主場威力強勁，肯薩斯體育會實力平庸，而且士氣甚差，今場作客難有作為，主隊可望全取三分。