高清睇跑馬：火熱動感求交代

猪拉多纳

　　「吉利大師」於總場次423初出跑田草1200米，當時狀態頂多得八成水準，但起步後已輕鬆咬住前列馬，入直路更交出強勁衝刺，大勝亞軍「樂融融」近四個馬位，盡顯超班實力。

　　上仗總場次498，「吉利大師」縮程跑直路賽，當然備受追捧，但由於負重磅兼縮程，最終僅跑得一席第七。今次「吉利大師」轉場出戰，上月試谷閘贏得輕鬆，估計不會再有上仗之失，一於追多次。

　　「火熱動感」來港首戰跑1400米，負重磅仍跑得接近，顯示有一定潛質；接戰轉爭泥地即被捧成熱門，但跑來卻一無是處，之後連仗也三甲不入。

　　不過隨着評分下調，「火熱動感」表現開始有起色。前仗出爭田草1600米，在柏寶胯下後上甚勁追入一席第六，賽後更獲評磅員減多兩分。到上仗總場次662，「火熱動感」轉爭田草1800米，排在八檔起步的牠，出閘後走二叠埋不到欄，加上步速偏慢，對其後上跑法頗不利，但入直路望空後，馬兒仍能交出強勁衝刺追入亞軍，輸給頭馬「喜蓮智星」不足一個身位，表現出色。今次轉爭谷草一哩，吼準條件賽報名，擺明有心求交代，可放心捧場。

Sam