賠率有路捉：包裝小子鼻箍惹火

魑魅魍魉

　　經過上周六連場爆冷，噚晚飛數正常番，除咗第六場「吉利大師」，曾成為大熱門嘅馬上仗至少有第四，應該穩陣，投X時可作膽。

　　頭場「包裝小子」唞咗兩個幾月，試吓嚟谷草搵食，飛數果然有料到，睇番此駒來港後四役的最後賠率，大多徘徊喺20至34倍，今鋪首次谷中作賽，隔晚W曾落至6.8倍，比上仗同程入位嘅「生豪」更熱，有古怪！

　　飛數突然而來，究竟係三檔加輕磅？定係同父馬「雪米糍」同「黃金年代」近期有好表現？講到血統，此系馬早熟，又有「一團威」同「千江映月」證實過谷草性能，加上「包裝小子」上個月戴交叉鼻箍試谷閘跑第三，今次初戴此配件隔夜熱定先，睇嚟唔係講笑，跟住買有着數。

柏寶騎師王贏面大

　　騎師王方面，柏寶得2.5倍成為台柱，胯下坐騎當中，「勝在分秒」、「贏啲啲」、「火熱動感」同「超勁精神」上場都有三甲，希望佢生性贏番次啦。　

周仲