肯薩斯遍地黃金

港陌

17/06/2011
文： Mic少

明早有場美職獨腳戲，肯薩斯體育會主場對聖荷西地震。肯軍今季成績差主因係季初新主場未落成，需要連續多場作客所致，但現時已可於自己地頭比賽，而近期表現亦有改善，未來日子勢必全力追分。地震近況佳，攻力尤其出眾，可望取得入球，博1.85倍入球大。（周六早上8時30分開賽）




肯薩斯體育會早前一度連續十場聯賽不勝，皆因其中九場係作客，上仗作客大勝FC達拉斯四比一，終於再嘗勝果打破心理關口，大大提升今仗爭勝信心。


地震中前場炮火勁


肯軍月初對芝加哥火燄係佢哋首次於新主場比賽，可惜僅悶和，球隊上下都極渴望於新主場開齋，表現應會特別落力，勢以三分為目標。




地震狀態亦相當不俗，近五場贏四場，總共攻入十三球，雖然兩位前鋒雲度路斯基及賴恩莊遜離隊踢美洲金盃，但對球隊影響不大，上仗更同華盛頓聯隊炮製六個入球；前鋒連赫特腳風非常順，近兩場射入四球，中場西蒙戴堅斯亦連續兩場有士哥，要攻破對手大門唔成問題，既然雙方氣勢皆強，捧入球大較划算。