高清睇跑馬：傾力之城磅輕惡

猪拉多纳

　　「勁力」今季於總場次333初出跑谷草1200米，可惜極搶口及居外叠望空，不受操控下大敗。接戰轉跑田草1400米，陣中雖繼續搶口，但可能長直路較啱跑，縱使難於控制及在外叠角逐下，最終仍殺入一席季軍。接戰再爭同程及排二檔，或許有遮擋，結果入直路後爆出超強後勁，贏來大把在手。上仗於四班高分賽再贏同程，至厲害是入直路曾被阻，但極遲望空下仍能交出凌厲衝刺兼收韁贏馬；莫講今仗殺上三班難尋對手，保守估計下季亦有力於二班建功。

　　「傾力之城」轉投摩廐後表現神勇，尤其1400米極具把握，頭三仗得一亞兩殿後，之後三戰1400米全部勝出，每次至少贏一個馬位，而三次贏馬締速分別為1分21秒80、1分21秒90及1分21秒68，如鞍上人再肉緊一點，又或者對手給予較多威脅，預計牠必能做出更快時間。

　　近兩戰「傾力之城」改攻1200米落敗，但前仗慢閘留前鬥後不合其最佳跑法，而上仗出戰總場次663沙田銀瓶，頭兩段跟「萬事佳」鬥燒下，牠仍能跑回一席接近的第四，便知近況依然出色；今仗負輕磅及回師強項1400米，有力收復失地。

Sam