局內人：華廐搏回鄉精神

魑魅魍魉

　　今晚梁定華馬房最睇好第五場的「回鄉精神」，此駒狀態已見冒勇，上仗谷中一哩跑第二，臨門一腳才敗在「威力高」蹄下，但能力拒「超勁精神」保住Q腳，可見實力不弱，今番再戰同程強敵盡去，馬已操至大勇，應是贏馬之時。

　　方嘉柏馬房有大手惡馬在陣，其中最有機會取勝的應是「清脆利落」及「威威多星」兩駒，兩匹馬均有佳態支持，前駒經休息及作重新打磨後勇熟並進，今次加強配搭上陣，擺明車馬搏殺，戰意鮮明，是理想馬膽之選。「威威多星」則長期有狀態，幕後一向好鬥志，逢出必拼，絕不欺場，今番有備而戰，跑1200米是其強項，對手不太強，馬房中人對牠信心頗大，認為今戰勝望彌高，實可追捧。

　　告東尼馬房實力亦甚強，消息謂第六場「延續美麗」及第八場「魔幻大師」機會最大，前駒是正宗短快馬，在三班實力足夠，今仗對手實力不太強，形勢睇得通透，以其高速，排中檔可望放返取勝。

　　尾場「魔幻大師」則大熟當勇，馬有平均速度，跑一哩是其所長，難得的是屢拼不疲，長期保持佳態，可望取得季內第五捷。

梁杰