馬場紅綠燈

魑魅魍魉

康駿路首本實「德」

　　未計今仗在內，白德民季內曾跟沈集成馬房合作十次，成績為兩冠兩亞一季兩殿，其餘三仗最差亦跑第六，可見數據強勁；今晚沈廐出三駒，其中「安瑪」及「康駿」均配白德民上陣，既然後駒以往三戰谷草2200米得一冠兩亞，就揀佢。

健少

大摩出一駒夠「勇」

　　練馬師冠軍之爭已鬥到直路階段，但落後告東尼六W的大摩，今晚只出「紅旗勇將」。當然，兵唔使多，最緊要強，睇番牠季內於谷草1200米贏到「夢仙」冇得跑，後駒質素如何各位應心中有數。今次「紅旗勇將」回師谷戰，勝券在握。

阿光

開心自在匆出必拼

　　「開心自在」剛於上周三的谷草三班一哩熱倒，跑梗頸四WP齊撻，估唔到隔七日即匆匆再出，睇方嘉柏心意，一定好心急想幫此駒馬主贏番場頭馬。話晒呢隻都係少數轉投方廐後未交代嘅轉倉馬，今次由柏寶接手兼排三檔，隨時食尾胡。

王其