賠率有路捉：瀟洒叻龍返勝途惹飛

魑魅魍魉

　　唔知係唔係嚟到季尾，噚日下晝開飛後，八場賽事除咗六場「千兩寶寶」同七場「御將軍」兩匹大熱門外，其餘六場曾成為重心嘅馬，都係今季未勝馬，當中三場「清脆利落」及五場「南陽望族」仲熱得幾透吓，戰意不用懷疑，值得拖番一票。

　　第四場四班2200米，「瀟洒叻龍」跑返贏馬路程，啲飛數即刻生猛晒。呢匹十歲老馬算唔話得，年紀一大把，今季都跑咗十三場，雖然咁搏，但飛數次次均麻麻哋，最後賠率徘徊喺20至96倍之間，今次可能有季內戰績支持，噚日晏晝終於搵到「知心友」，配王志偉都一度得13倍左右，唔知會唔會係佢在港最後一戰呢？如果係，可能真係搏老命留個美好回憶都唔定，買注捧場！

捧韋達有戒心

　　騎師王方面，韋達賠率雖然彈甩餘者，但2.4倍有啲戒心，相反潘頓開飛賠率比預期熱，得8.5倍，不妨試吓。

周仲