西班牙U21狂牛撲俄

魑魅魍魉

22/06/2011
文： 法比加輝

U21歐國盃四強頭場西班牙U21對白俄羅斯U21，白俄今屆能夠打入四強多少帶點幸運成分，呢班波在分組賽先後輸過畀丹麥及瑞士，相反「小狂牛」愈戰愈勇，一對箭頭阿祖安盧比斯及桑馬達着晒火，今仗可輕取白俄羅斯，捧「讓球主勝」。（now 633周四凌晨零時直播）


白俄連冰島都輸


白俄在A組曾輸過畀冰島，只憑較佳對賽得失球力壓同得三分嘅冰島及丹麥出線，不過四強就冇咁好彩，事關要對住大熱門西班牙，「小狂牛」在分組賽愈見霸氣，近兩場分別贏捷克及烏克蘭兩球或以上，過程亦頗為輕鬆，今場面對實力比捷烏兩軍還要差嘅白俄羅斯，並唔難過關。




「小狂牛」大多曾在西甲上陣，實力及經驗遠勝白俄羅斯，再者兩把尖刀阿祖安盧比斯及桑馬達狀態大勇，前者兩戰入三球，而桑馬達則在上場梅開二度，加上蒙尼恩及安達靴里拉等攻擊球員愈踢愈有信心，既然連瑞士都可以大炒白俄羅斯三比○，相信西班牙亦唔會少過呢個數，加輝捧「讓球主勝」。