ＡＩＫ「讓球勝」有着諾

魑魅魍魉

22/06/2011
文： Combo King

瑞典超打到如火如荼，今次就同大家集中研究兩場賽事。先講ＡＩＫ蘇納主場對諾高平，睇近況兩隊唔算太突出，不過ＡＩＫ蘇納勝在有主場之利，相信可以輕取諾高平。阿King對ＡＩＫ蘇納相當之有信心，決定推介賠率更高嘅「讓球主勝」。 （周四凌晨１時開賽）




ＡＩＫ蘇納於聯賽暫時取得五勝，勝仗全部來自主場，相反六場作客兩和四負，從數字可見地利對於ＡＩＫ蘇納有幾大影響。今次對手諾高平實力唔強，加上主場出擊有助增強ＡＩＫ蘇納球員信心，主隊爭勝條件都幾充足，今場一定實食冇黐牙。


諾高平往績輸蝕


查實積分榜下游球隊諾高平近況都幾曳，自五月中喺瑞典盃贏過低組別球隊諾爾塔爾基之後，至今就再未嘗過勝利滋味。況且近六次對賽都未贏過ＡＩＫ蘇納，今次作客都好難爆冷。橫掂「讓球主勝」有2.6倍咁好分，冇理由唔博。




另外哥登堡主場對艾夫斯堡，開平手盤捧主隊。哥登堡近三次主場都以大比數擊敗艾夫斯堡，每場入球最少有四粒，賽績上明顯剋住艾夫斯堡，平手盤值得一試。最後介紹番場日本波，由廣島三箭主場對山形山神，今季廣島三箭幾名主力球員如李忠成、佐藤壽人及穆捷里長期保持良好狀態，今次對住作客腳仔軟嘅山形山神，主隊應可輕鬆勝出，「讓球主勝」必捧。