河床作客冇本錢讓波

魑魅魍魉

22/06/2011
文： 笛子波童

周四凌晨及早上將會進行兩場阿甲護級附加賽，傳統班霸河床創會一百一十年以來從未試過降班，但歷史唔代表一切，球隊積弱問題並非一朝一夕，首回合仲要作客讓波，波童推介乙組貝格拉諾下盤。（周四早上8時開賽）




呢兩場受注賽事雖然都係護級附加賽，不過性質並唔同，總計過去三年聯賽平均分，由於甘拿斯亞及颶風隊同分，兩者會先於中立場進行一場過附加賽，負方陪基爾梅斯直接降班，勝方則和乙組第三名聖馬田聖祖安進行兩回合決鬥，爭取來季甲組一席位。至於河床同乙組貝格拉諾則會踢主客兩回合，勝方可獲下季甲組資格。


貝格拉諾絕非善類


河床雖然係阿甲史上奪標次數最多球會，且創會一百一十年從未降過班，而阿甲降班制度一向都保障大會，因此河床淪落到呢個地步根本唔怪得人，同時亦充分反映佢哋近季表現幾咁不濟。河床於剛過去秋季聯賽九場作客僅入五球，攻力疲弱不堪，最後一仗輸波更令一名68歲球迷於球場心臟病死亡。




貝格拉諾絕非善類，今季阿乙主場十九戰只輸兩場，其中一場更係喺尾二一輪、穩奪附加賽資格情況下落敗，以河床低沉表現根本冇必勝把握，主隊受讓平半捧得過。