挪威盃16強主場惡晒

魑魅魍魉

22/06/2011
文： 渡邊年

挪威盃十六強今日上演，呢隻盃對上六屆都由唔同球隊奪得，今日推介三支主隊畀大家，分別係阿里辛特、侯格辛特同洛辛堡，單頭或過關都得。


阿里辛特「薩」得性起


挪超球隊喺挪威盃除咗頭三圈對低組別球隊，規定一定要作客外，由十六強開始就要以抽籤決定主客場，睇番過去幾季冠軍隊，三場淘汰賽起碼有兩場喺主場出擊，造就晉級嘅有利條件。




先講阿里辛特對薩普斯堡（周四凌晨零時開賽），薩普斯堡今季喺挪超作客仍未贏過，挪盃頭三圈對低組別球隊都只係僅僅贏到一球驚險過關，嚟到十六強對番挪超球隊係時候拜拜。○九年冠軍阿里辛特今季表現穩定，而且爭盃意欲旺盛，主場強陣出擊，主Ｗ一定要捧。


侯格辛特洛辛堡夠贏


另一支主場特佳嘅侯格辛特對住今季聯賽大跌Watt、現時排緊尾二嘅維京（周四凌晨零時開賽）真係嗒糖，事關維京目前首要保住挪超席位，加上近四場作客輸三場，爆冷機會極微。




最後講講班霸洛辛堡對利尼史特朗（周四凌晨１時35分開賽），洛辛堡因為國際賽期獲得充分休息，加上聯賽兩連勝嘅氣勢，對住利尼史特朗應可大勝一場。