美國變陣喪攻巴拿馬復仇

魑魅魍魉

22/06/2011
文： 亨格比利

美洲金盃4強聽朝展開，打頭陣由東道主美國喺休斯敦恭候巴拿馬。「花旗兵團」領隊巴特利上仗變陣收到成效，預計佢老人家將會重施故技，務求砌低巴拿馬報番小組一敗之仇，一於要2.05倍「讓球主勝」。（now634台及廣東體育周四早上7:00直播）


前線執位立竿見影


「花旗兵團」喺小組最後一戰，只係贏瓜德羅普1粒，表現真係唔似大熱門，領隊巴特利於是將前線大執位，8強戰收起雲度路斯基，改派基捷斯坦同艾真度比杜亞擔正，最終輕取牙買加兩蛋晉級。雖然艾迪杜里今戰倦勤，但巴特利咁有計，相信實會見招拆招，當路雲有望復任正選亦肯定會加多兩錢肉緊省招牌。




喺C組爆冷以2:1砌低美國嘅巴拿馬，至今喺金盃繼續保持不敗，全隊上下都想繼05年之後再殺入決賽。不過佢哋喺8強對薩爾瓦多明顯跌Watt，先係靠迪查達完場前扳平，再透過互射12碼驚險晉級，實力似乎見晒底，想再偷美國雞冇咁易！