鬥牛小兵易開主勝

魑魅魍魉

22/06/2011
文： 牛奶仔

U21歐洲國家盃今晚上演兩場4強激戰，由於英格蘭U21已經出局，西班牙U21隨即成為一面倒大熱門，佢哋今晚就同白俄爭入決賽，預料狀態同實力都高出一大截嘅「鬥牛小兵」，可以輕鬆大勝，今仗要1.6倍「讓球主勝」！（now633及660台周四凌晨0:00直播）


西班牙U21射手大勇


西班牙U21有唔少主力都有大國腳經驗，好似上仗梅開二度嘅華倫西亞翼鋒桑馬達，今仗佢會同連續兩場都有波入嘅拉科射手阿祖安盧比斯拍檔攻堅，火力完全唔使擔心。




另邊廂，白俄羅斯出線都相當夠運，喺A組只係取得1勝2負，如果唔係主辦國丹麥同埋實力一般嘅冰島冇料到，白俄都唔會得3分就出到線。實力本已同對手差一皮嘅白俄，今仗仲要有守將馬迪域卓克停賽，中場哥迪卓克又因傷缺陣，中後防實力大為下降，相信難以抵擋西班牙嘅狂攻。