捷克白俄守「細」波爭玩奧運

魑魅魍魉

25/06/2011
文： 吉拿甸奴

今屆U21歐國盃原本冇季軍戰，但由於要爭奪倫敦奧運足球賽參賽資格，捷克U21同白俄羅斯U21分別喺4強輸波後，今晚要進行附加賽。由於兩隊戰意未散，捷克U21又玩開451單箭頭陣式，睇落唔似多波入，一於博1.75倍入球細。（now633台周六晚9:00直播）


捷克U21箭頭死火


原本捷克U21靠曾經効力熱刺嘅中鋒柏赫特數胡，佢喺外圍賽同附加賽勁入9球，不過捷克U21喺分組賽不敵西班牙U21後，佢開始失去正選位置，代替佢上陣嘅拉素前鋒高薩克，踢咗2場正選都冇波入。由於今場勝負關乎奧運足球賽入場券，照計捷克U21唔會突然轉性玩搶攻，再排5人中場唔似開到入球騷。




另一方面，白俄羅斯U21算幾守得，4強對西班牙U21頂足90分鐘踢成1:1，只不過加時失兩球至以1:3出局，證明佢哋肯守嘅話，唔容易被攻陷，呢場遇正同樣來自東歐，踢法接近嘅捷克U21，彼此熟路應該會踢得更謹慎，加上後衞馬迪域卓克坐完波監可以復出，玩入球細正路啲。


U21歐國盃賽制


決賽及季軍戰均以一場決勝負，若90分鐘內打成平手將加時作賽，若加時仍未分出勝負，則以12碼決勝，季軍戰勝方將獲得2012年倫敦奧運參賽資格。