近6場零失球加費萊好守細

猪拉多纳

26/06/2011
文： Combo King

今日阿King集中推介瑞典超，其中加費萊主場鬥哥登堡捧細盤。加費萊本季靠守起家，近期後防簡直滴水不漏，已經連續六場賽事冇失波。哥登堡主力前鋒希臣，因為妻子分娩在即今場大有機會缺陣，球隊作客破關不易，細盤1.62倍分頭咪嫌少。


哥登堡首席射手缺陣


加費萊近年於瑞典超都係下游分子，但本季銳意改善防守，終於打出代表作，目前高踞聯賽第四位。本季進行十三場聯賽，加費萊僅失九球，平均一場都失唔到一球，而近六場比賽，勁旅如馬模、艾夫斯堡同卡爾馬都未能攻入加軍大門，就知加費萊後防有幾穩陣，今場主場出擊，極有機會保住清白之身。哥登堡首席射手希臣周一將做爸爸，故今戰極可能出唔到，預計雙方入波唔會多，捧細。




馬模作客加爾斯，論實力馬模確勝一籌，但球隊作客威力麻麻，而加爾斯近六場主場贏出五仗，加上馬模近三次去到加軍地頭全打和，今場捧「讓球主勝」。而佐加頓斯主場對赫根，佐軍近期脫胎換骨三連勝，一共轟入九球，而赫根作客極有攻力，今場取大盤。