黃金年代四升三使乜驚

猪拉多纳

真金不怕洪爐火，「黃金年代」上次面對「麗晶之星」出茅招，仍以半馬位之先反勝，真材實料冇花冇假。今次雖然由四班升上三班，卻換來輕磅之利，即使對手增強，又使乜驚先？
       
黃金年代上賽末段一度受阻仍勝，顯示超凡鬥心與實力。

姚本輝：相對於同場另外兩匹三歲惡馬「鷹之團」與「勁闖駒」，「黃金年代」不論出賽經驗或成熟程度方面均略遜一籌，況且今場初上三班，的確構成重大考驗。不過「黃金年代」勝在性情乖巧容易操控，即使改配賴維銘亦不愁影響發揮，馬兒本身不斷進步，埋門狀態非常出色，直路賽抽十四檔好位，兼只負113磅，條件絕對不差，以下犯上並非奇事。
       
勁闖駒受讓可反先

蔡明紹：「勁闖駒」早前因右邊臉頰及口部受傷退出，雖然未因此而停課，狀態難免有影響，目前約八九成而已。此駒前速銳利，抽二檔仍可切入近外欄位置推進，受強敵「鷹之團」讓八磅，有權憑此差距反先。
       
鷹之團直路高水準

文家良：「鷹之團」上仗田草一千米孭多「熊英雄」25磅才僅負不足一乘，本身亦造出55秒6快時間，表現已非常出色。既然於直路賽一直交出極佳水準，我樂於讓牠再攻同程，今場再無超輕磅之強敵，應可補中。