高清睇跑馬：明達連捷冇阻力

猪拉多纳

　　「明達」頭三仗全部落敗，除了總場次510跑包尾之外，另外兩戰都輸近，但未能給予前列馬匹威脅。上仗總場次699，蔡約翰突然替此駒報爭泥地賽，並綁脷上陣，有晒出擊先兆。

　　該役「明達」排七檔起步，出閘後一直埋不到欄，更被內側的「太陽昇」及「延續美麗」頂出三叠望空競跑，但入直路後馬兒走勢相當勁，最後二百米一發力即令一眾對手食塵，大勝兩個半馬位，而蹄下敗將「延續美麗」翌仗再出即贏馬補中，更反映賽事水準之高。

　　今戰「明達」再爭贏馬路程，實在看不到有任何連捷阻力。

　　「神州八號」上季尾已由告東尼接手，今季頭幾仗次次有飛，卻只得個近字，之後加眼罩上陣，終於在田草1600米打開勝門。

　　贏馬開竅之後，此駒愈跑愈好，之後兩戰取得一冠一亞，但因為連場硬仗加分已多，之後兩戰均三甲不入。

　　不過，「神州八號」上仗於總場次717出爭田草1800米又有好走勢，直路大半程被困之下，最終仍能追入一席第三，僅以一馬位輸給廐侶「喜蓮智星」，反映仍然有分在手。現時狀態依然甚弗，今戰再爭田草1800米必有戰意，可放心追捧。

Sam