朝早有動靜：白德民實皇帝旨令

猪拉多纳

　　昨朝晨課間中有雨，論備戰積極首推大摩，旗下戰馬皆見磨刀霍霍，由主帥白德民、勞愛德、馬偉昌及韋達等多位大師傅負責仄馬，臨近季尾有此聲勢，出擊意圖顯而易見，盯緊為妙。

　　今次香港特區回歸賽馬日，大摩馬房嚴陣以待，共派九駒參戰，觀昨課舉動，戰意不用懷疑。白德民雖然尚在停賽期，無緣親自征戰，惟克盡主帥本分，試馬甚為落力，其中季內五捷佳駟「皇帝旨令」昨早便由白德民親自考驗，試三段，操罷返到機坪沙圈，只見他對馬兒詳加打量，馬匹由助手拉返馬房時，仍見其看個目不轉睛，直至馬匹離開其視線範圍為止，之後再向波士大摩滙報馬匹進度，狀甚認真。列陣第十一場一班1650米泥地的「皇帝旨令」，今季轉投大摩馬房後跑過十二場，已取得五贏三位佳績，泥地一哩亦曾兩度入位，可見性能廣泛，今次強配杜利萊再戰，抽得六檔，不無機會取得今季第六場頭馬，同場摩廐出馬兩匹，「皇帝旨令」應是主力所在。

　　那邊廂，鄭俊偉馬房「幸福紅椒」由勞愛德出試，課前騎練在馬房出入口處一邊咬耳仔，一邊仔細觀察馬匹動靜，甚有瞄頭。此駒季中轉投鄭廐後取得突破，上仗於泥地1650米一戰功成，今次賽前騎練動態緊張，看來有意添食。

韋柏