富明尼斯追打落水狗

猪拉多纳

30/06/2011
文： Combo King

明早繼續有巴甲賽事，重心推介富明尼斯主場對帕拉尼恩斯，上季盟主富明尼斯季初水準的確稍為飄忽，但現已開始上力，特別係上仗大部分時間踢少一人都全取三分，有助提升信心。富明尼斯今次面對未開齋嘅帕拉尼恩斯，正好趁機打落水狗，主勝屬過關首選。 （周五早上8時開賽）




富明尼斯開季後成績未如理想，好大程度上因為屢遇強隊，三場敗仗其中兩場分別輸畀前列球隊聖保羅及哥連泰斯，但面對中下游球隊多數冇甩拖，證明爛船始終有三斤釘，今仗對手只係帕拉尼恩斯，富明尼斯全取三分機會相當高。


帕拉尼恩斯沉到暈


帕拉尼恩斯聯賽六戰僅有一和五負，兼只入一球，上仗主場對新升班嘅巴希亞都淨吞兩蛋，輸到信心盡失，估計短期之內難翻身。再睇帕軍過去四次作客富明尼斯全敗收場，恐怕今趟難逃一敗。




另一場彭美拉斯狀態大勇，早前曾五球大炒艾華爾，炒得起防線不穩嘅戈亞尼恩斯，捧「讓球主勝」。明尼路主場對國際體育會，兩隊同樣入球及失球偏多，入球大屬首選。