德女足猛火 搞掂尼日利亞

猪拉多纳

30/06/2011
文： 亨格比利

貴為女子世盃大熱門嘅德國女足，首戰只能夠險勝加拿大，咁嘅戰果相信大家都唔收貨。呢支衞冕隊伍今晚喺法蘭克福恭候尼日利亞，目標當然係大炒對手省靚招牌，何況尼日利亞女足喺大國腳賽事一直畀德國食住，呢道非洲「私房菜」實啱晒德國胃口，1.4倍「讓主」趁熱食。（有線64及中央5台周五凌晨2:45直播）




A組分組賽當中，以德國同尼日利亞攜手出線嘅呼聲最高，所以今戰嘅75,000張波飛已經喺兩周內全部售罄，證明呢場分組賽係幾咁矚目。力爭「三連霸」嘅德國首戰以2:1小勝加拿大，贏係贏得少，但查實全場都佔盡主導，射門次數更加懸殊到21:6，只要前線把握能力得以改善，要炒尼日利亞唔難。




值得一提，喺首戰後備落場嘅阿歷姍大樸普表現Sharp醒，入替之後成條德國鋒線生晒，教練妮特賽前就話唔會盲目用名牌，意味樸普極可能擔正，聯同格寧絲齊齊肩負入波重任。


近6次對賽全勝


尼日利亞首仗以0:1不敵法國，賽後隊長娜禾查指球隊衰唔夠集中同溝通不足。尼國足總為激勵士氣，日前宣布將砌低德國嘅贏波獎金加碼到每人4,000美元（約31,000港元），另外又安排心理醫生幫球員減壓，就連「超霸鷹」領隊施亞斯亞都話會入場幫班女將打氣，為爭


出線可謂出盡法寶。


之不過呢支非洲勁旅喺女子世盃例牌腳軟，5屆賽事有4次喺分組賽Game Over，喺大國腳級別嘅賽事亦從未贏過德國，對上6次同呢支東道主交手全部輸晒，上年尾場友賽仲吞夠8蛋添，所以今鋪德國讓到「-2」一啲都唔過分！


德國女足旺開大


對上6次遇尼日利亞全勝。

近8場國際賽有7場開大。

尼日利亞對賽少波入

對上2屆世盃都喺分組賽出局。

近6次遇德國有4次入唔到波。

女世盃孖膽推介

關次 對賽隊伍 半/全場

一 加拿大女足 Vs 法國女足 0:0、1:0/0:0、1:0、1:1

二 德國女足 Vs 尼日利亞女足 1:0、2:0/2:0、3:0、4:1

截止受注時間：7月1日凌晨0:00

周四6寶推介

關次 對賽隊伍 賽事 推介

一 加拿大女足 Vs 法國女足 女世盃 和和/和主

二 德國女足 Vs 尼日利亞女足女世盃 主主/和主

三 哥列迪巴 Vs 施亞拉 巴甲 和和/和客

四 彭美拉斯 Vs 戈亞尼恩斯 巴甲 和和/和主

五 明尼路 Vs 國際體育會 巴甲 和和/和客

六 富明尼斯 Vs 帕拉尼恩斯 巴甲 主主/和主

截止受注時間：7月1日凌晨0:00