借題發揮:主帥停賽無阻攻勢 大摩重用勞愛德

猪拉多纳

　　季尾時分，蔡廐不斷發功，唔覺唔覺已贏到64W，拍得住大摩咁滯，當然，你有你勝完再勝，唔代表可以染指冠軍，事關告東尼累積72場頭馬，帶甩十場八場，剩低3期賽事，唔係有奇蹟發生的話，告東尼應可繼05年馬季之後，再登上寶座！

　　雖然大摩夾在中間，好似冇咩動作，又挑戰唔到冠軍，隨時連二哥位置都不保，但睇個勢，佢唔會冇晒攻勢直至唞暑，嘩，望望今期陣容，如果冇大手交易，肯定「血流成河」！

　　數數佢嘅棋子，「天賜福星」、「醒目精英」、「伽羅」、「皇帝旨令」，件件好嘢，要賽績，有賽績，要質素，有質素！就算未必全部會喺晒前列，三兩駒有機會，相信問題不大。

　　雖然主帥白德民停賽，大摩仲有大把人可以用，「天賜福星」、「醒目精英」一對王牌馬用晒勞愛德，睇嚟最有計，兩匹馬都喺各自出報嘅路程有上佳往績支持，同時，今季摩廐王牌馬，如用德哥出戰的話，勝出率幾高，百分點逾4成，所以，呢對馬玩獨贏有得諗！　

Jack