泰維斯客串做間諜

猪拉多纳

01/07/2011


泰維斯成阿根廷剋巴西秘密武器？不過原因唔係因為佢好波，而係因為「野獸」喺阿根廷嘅屋企居然對正巴西訓練基地。為對付死敵，泰維斯仲特登喺屋外掛滿100個代表阿根廷嘅藍白色氣球示威，呢個間諜認真唔話得！


100個藍白氣球外牆砌國旗


巴西近日進駐阿根廷一間豪華酒店做基地，呢間酒店最特別之處係有兩個足球場，勁方便「森巴兵團」練波，只係估唔到阿根廷有成1,200萬人口，偏偏前鋒泰維斯竟然就住喺呢間酒店隔壁，基本上一打開窗就見到巴西練波，試問又點會唔將呢啲情報帶返阿根廷陣營分享？




為「歡迎」巴西光臨，泰維斯之前仲寸到去買咗100個藍白色氣球，然後喺自己大屋外牆砌咗幅阿根廷國旗出嚟。為驗證泰維斯係咪真係住喺入面，一個巴西記者仲放蛇測試，結果一㩒鐘泰維斯就親自開門，仲同記者講巴西係咪住喺佢隔壁根本冇影響，阿根廷喺今屆美洲盃可唔可以力壓巴西捧番次盃？食粥食飯靠晒你啦泰維斯！